اسلام آباد ۔ 21 فروری (اے پی پی) وزیراعظم شاہد خاقان عباسی آکھے جوپاکستان مسلم لیگ (ن) دی حکومت شاندار کارکردگی دا مظاہرہ کریندے ہوئیں عوام نال کیتے ہوئے اپنڑے وعدے پورے کیتے ہن، حکومت معاشرے دے کمزور طبقیاں دے تحفظ سانگے قنونی اقدامات سمیت بئے سارے اقدامات کریندی پئی ہے۔ وزیراعظم ایہ گالھ” ہیڈ سٹارٹ سکول“ دے طالب علماں دے وفد نال گالھ بات کریندے ہوئیں آکھی۔وفد بدھ کوں وزیراعظم آفس اچ انہاں نال ملاقات کیتی۔ا یہ ملاقات نوجوان رہنماواں اتے مختلف سرکاری تے پرائیویٹ اداریاں دے طالب علماں کوں وزیراعظم آفس سڈنڑ اتے حکومت دے اعلیٰ ترین آفس دے امور کار بارے آگاہی ڈیونڑ دے سلسلے اچ اقدام دا حصہ ہائی۔ وزیراعظم طالب علماں دے نال کہیں تکلف دے بغیرگالھ بات کیتی۔ طالب علماں وزیراعظم توں سیاسی مسائل توں گھن تے خارجہ پالیسی دے امور اتے اقتصادی معاملات توں گھن تے مختلف سماجی مسائل بارے مختلف سوال کیتے۔ سی پیک منصوبے بارے سوال دا جواب ڈیندے ہوئیںوزیراعظم آکھیا جو سی پیک دا منصوبہ اپنڑے مواصلاتی ڈھانچے اتے صنعتی ترقی دے نال نہ صرف مغربی چین اتے وسطی ایشیائی ریاستاں سمیت پورے خطے کوں مواصلاتی رابطہ فراہم کریسی بلکہ ملک دی عوام سانگے وی بے شمار اقتصادی اتے روزگار دے مواقع فراہم کریسی۔ گھریلو تشدد دے واقعات کوں روکنڑاتے کھسریاں جئے کمزور طبقات دے تحفظ سانگے کیتے گئے اقدامات بارے گالھ بات کریندے ہوئیں وزیراعظم آکھیا جو حکومت معاشرے دے کمزور طبقیاں دے تحفظ سانگے قنونی اقدامات سمیت ہر ممکنہ اقدام کریندی پئی ہے۔ انہاں آکھیا جو تعلیم دے فروغ ، شعور دی بیداری اتے اقتصادی خوشحالی نال سماجی مسائل نال نبڑن سانگے وی مدد ملسی۔ بین الاقوامی محاذ تے ملک کو ںدرپیش چیلنجزبارے گالھ بات کریندے ہوئیںوزیراعظم آکھیا جو پاکستان مختلف ایشوز تے اپنڑاں نکتہ نظر اجاگر کرنڑ سانگے بین الاقوامی برادری دے نال رابطے اچ ہے۔ اقتصادی مسائل تے گالھ بات کریندے ہوئیںوزیراعظم آکھیا جو حکومت کاروبار یاری آلی پالیسی دا نظام بنراونڑ دے مختلف شعبیاں اچ ڈھگ ساری سرمایہ کاری کرنڑ نال معیشت کو ںتقویت ڈیونڑ سانگے ہر ممکن کوشش کریندی پئی ہے۔ انہاں آکھیا جوملک دی وڈی مارکیٹ اتے فروغ آلی معیشت بین الاقوامی برادری اتے سرمایہ کاراں کوں ملک اچ منافع ڈیونڑ آلے کاروباری منصوبے شروع کرنڑ آلے پاسے راغب کریندی پئی ہے ۔ مجموعی صورتحال بارے گالھ بات کریندے ہوئیں وزیراعظم آکھیا جو 2013ءاچ اقتدار سانبھنڑ دے بعد توں مسلم لیگ (ن) د ی حکومت مختلف شعبیاں اچ چنگائی گھن آئی ہے۔ مسلم لیگ (ن) دی حکومت دی موجودہ مدت دے دوران ملنڑ آلیاں کامیابیاں اتے ترقی ماضی دی کہیںوی حکومت دے عرصے توں ودھ ہن ۔ انہاں آکھیا وج مسلم لیگ ن دی حکومت چنگی کارکردگی دا مظاہرہ کیتے اتے عوام نال کیتے گئے اپنڑے وعدے پورے کیتے ہن۔ طالب علماں وزیراعظم نال ملاقات اتے خیالیں دے تبادلہ دا موقع فراہم کرنڑ تے انہاں دا شکریہ ادا کیتا۔
وزیراعظم شاہد خاقان عباسی دی ” ہیڈ سٹارٹ سکول“ دے طالب علماں دے وفد نال گالھ بات
اسلام آباد ۔ 21 فروری (اے پی پی) وزیراعظم شاہد خاقان عباسی آکھے جوپاکستان مسلم لیگ (ن) دی حکومت شاندار کارکردگی دا مظاہرہ کریندے...
مضمون کا ماخذ : اسٹریٹیجیا لاٹوفاسیل
