اسلام آباد ۔ یکم جون (اے پی پی) صدر مملکت ڈاکٹر عارف علوی آکھیے جو اگر اساں احتیاط کروں سانجھے رابطے کریندے ویلھے معیاری طریقے کوں یقینی بنڑاﺅں تاں اوں ویلھے ہی اساں کرونا وائرس کوں ہرا سگدوں ۔اے گال انہاں سنوار کوں اپنڑے ہک ٹویٹ اچ آکھی اے ۔ فوڈ چین دے پنج ڈلیور ی بوائز کیتے اے حیرت دا ویلھا ہئی جڈاں صدر ڈاکٹر عارف علوی شام دی سیر کریندے ہوئیں تھوڑی جئی گال مہاڑ کیتے انہاں ڈے ٹرگئے۔ ڈیلیوری بوائز اپنڑی کمپنی دی کٹ پاتے ہوئے سڑک دی چنڈ تے اپنڑی موٹر سائیکل دے نال کھڑے ہن ۔ صدر نال مل تے انہاں کوں خوشی تھئی ۔ جنہاں اوکھے ویلھے اپنڑی روزی کماونڑ تے انہاں دی حوصلہ افزائی کیتی ۔ صدر بعد اچ سنوار کوں ڈیلیوری بوائز نال گال مہاڑ دے بعد ٹویٹ کیتا اے محنتی چھوہر زندگی دی مشکلات نال نبڑنڑ کیتے رات کوں دیر تئیں کم کریندن ۔ انہاں دی خدمات دی ضرورت 70فیصد گھٹ تھئی اے ۔ ماسک پاتے صدر علوی ڈیلیوری بوائزکوں حفاظتی احتیاطی تدابیر دی اہمیت بارے ڈسایا ۔ انہاں آکھیے جو اگر اساں احتیاط کروں تاں معیاری طریقہ کار کوں وی یقینی بنڑاﺅں تاں ہی اساں کرونا وائرس کوں ہرا سگدوں ۔ انہاں آکھیے جو ہتھ دھوتے ، ماسک پاون ، تے محفوظ معاشرتی فاصلہ رکھن “انہاں اپنڑے ٹویٹ اچ لکھیے جو عوام کوں میں اے مشورے ڈتن ۔
اگر اساں احتیاط کروں ، سانجھے رابطے کریندے ہوئیں معیاری طریقے اپناووں تاں ہی کرونا وائرس کوں ہرا سگدوں ، صدر مملکت ڈاکٹر عارف علوی دا ٹویٹ
اسلام آباد ۔ یکم جون (اے پی پی) صدر مملکت ڈاکٹر عارف علوی آکھیے جو اگر اساں احتیاط کروں سانجھے رابطے کریندے ویلھے...
مضمون کا ماخذ : سامراا سپلٹ
