لاہور۔22اکتوبر(اے پی پی)وزیراعظم عمران خان نال پنجاب اچ صحت دی وزیر ڈاکٹر یاسمین راشد ملاقات کیتی اے۔ ڈاکٹر یاسمین راشد وزیر اعظم کوں کرونا دی صورتحال، ڈینگی نال نبݨݨ کیتے اقدامات سودھا صوبے اچ ہیلتھ سسٹم دی بہتری اتے ہر ٹبر کوں صحت کارڈ ونݙݨ سانڳے اڳونہی تے بریفنگ ݙتی۔ ملاقات اچ معاون خصوصی ہیلتھ سروسز ڈاکٹر فیصل سلطان وی موجود ہن۔ وزیر اعظم کرونا کوں کھنݙݨ توں روکݨ اتے ڈینگی دے خالف اقدامات تے صوبائی وزیر دیاں کوششاں دی تعریف کیتی اتے ہدایت کیتی جو لوکاں کوں ودھ توں ودھ سوکھ ݙیوݨ اتے چنڳیاں طبی سہولتاں کیتے صحت کارڈ فوری ونݙیا ونڄے، ہر ڄݨے کوں معیاری، ویلھے تے علاج معالجہ ملݨا چاہیدے۔ وزیراعظم اٹک اتے میانوالی اچ زچہ بچہ ہسپتال تیکھے فعال کرݨ دی ہدایت وی ہدایت کیتی۔
مضمون کا ماخذ : مڈاس گولڈ
