اسلام آباد۔4جولائی (اے پی پی):وفاقی وزیر اطلاعات و نشریات مریم اورنگزیب آکھیے جو فواد چوہدری تے شیریں مزاری بشریٰ بی بی کوں غداری دے سرٹیفیکیٹ تے اداریں دے خلاف مہم دا ماسٹر مائنڈ ہوݨ دی تصدیق کرݙتی اے ، بشریٰ بی بی پاکستان تحریک انصاف دے سوشل میڈیا تے کوڑے بیانیہ دی سربراہ ہن، فواد چوہدری تے شیریں مزاری من ڳھدے جو آڈیو بشریٰ بی بی دی اے تے سیاسی مخالفین کوں غداری دے نال لنک کرݨ بشریٰ بی بی دا Opinion اے۔ ھک بیان اچ انہاں آکھیے جو اداریں دے خلاف مہم بشریٰ بی بی چلیندی پئی ہئی ، ثابت تھی ڳئے جو گندی زبان آلے ترجماناں توں غیر اخلاقی پریس کانفرنس بشری بی بی کرویندیاں پئن ۔ انہاں آکھیے بشریٰ بی بی بنی گالہ اچ لک تے غداری، ٻاہرلی سازش دے بیانیہ، قومی اداریں دے خلاف سوشل میڈیا مہم چلویندیاں پئن ۔ انہاں آکھیے سیاسی مخالفین کوں غداری نال لنک کرݨ تے ڳالھیں مندے دے اڳوں پچھوں بشریٰ بی بی اے ۔ انہاں آکھیے اداریں دے خلاف ماسٹر مائنڈ بشریٰ بی بی ہن، بشری بی بی آپݨی تاریخی کرپشن لکاوݨ کیتے ٻاہرلی سازش تے غداری دا بیانیہ گھڑیا، بشریٰ بی بی سیاسی مخالفین، صحافیاں تے اداریں دے خلاف ڳالھیں مندے کڈھویندی رہی ۔ مریم اورنگزیب آکھیے جو پی ٹی آئی من ڳھدے جو آپݨی کرپشن لکاوݨ کیتے غداری دے پرچے بݨوائے۔ ٻالرے ملک سازش دے کوڑے بیانیے دے چیمپئن امریکا توں معافیاں منگدے رہیے تے منتاں ترلے کریندے وٹھیے ڳئن۔ انہاں آکھیے عمران صاحب Bygones are bygones دے معافی نامے امریکا پڄدے پئن۔
